Headlines

14,190 మందితో హైటెక్ వ్యభిచారం… భారీ సెక్స్ రాకెట్..

సైబరాబాద్ పోలీసులు(Cyberabad Police) అంతర్జాతీయ సెక్స్ రాకెట్(Sex Racket)ను చేధించారు. డ్రగ్స్(Drugs)ను సప్లై చేస్తూ.. యువతులను, మహిళలను సెక్స్ రాకెట్లో దించుతున్నట్టుగా పోలీసులు గుర్తించారు. 15 సిటీలకుపైగా యువతులను రప్పించి.. వెబ్ సైట్, వాట్సప్, కాల్ సెంటర్లు, యాడ్స్ ద్వారా కస్టమర్లను ఆకర్శిస్తున్నట్టుగా తెలిసింది. యాడ్స్ ద్వారా కస్టమర్లను ఆకర్శించి.. అమ్మాయిలను సప్లై చేస్తున్నారని గుర్తించారు. ఈ దాడిలో అంతర్జాతీయ(International) ముఠాకు చెందిన 17 మందిని పోలీసులు అరెస్టు చేశారు. ఈ రాకెట్ మెుత్తం ఆన్ లైన్(Online) కేంద్రంగా నడుస్తోంది. ఈ ముఠా ఉచ్చులో ఏకంగా 14 వేల 190 మంది మహిళలు, యువతులు ఉన్నట్టుగా సీపీ స్టీఫెన్ రవీంద్ర చెప్పారు. నిందితులపై వివిధ సెక్షన్ల కింద కేసులు నమోదు చేశారు. ఇందులో విదేశాలకు చెందిన మహిళలు, దేశంలోని వివిధ నగరాలకు చెందిన వాళ్లూ ఉన్నారు. ప్రధానంగా.. ఏపీ, తెలంగాణ(Telangana), దిల్లీ, ముంబాయి, కోల్ కత్తా, అస్సోం, బంగ్లాదేశ్, నేపాల్, థాయిలాండ్, ఉజ్బెకిస్థాన్, రష్యా దేశాలకు చెందిన వారు ఉన్నారని స్టీఫెన్ రవీంద్ర తెలిపారు. మహిళలకు మాదకద్రవ్యాలను అలవాటు చేయడంతోపాటుగా.. విటులకు కూడా వారితోనే సరఫరా చేయిస్తున్నట్టుగా పోలీసు(Police)లు గుర్తించారు.

ఈ ఆపరేషన్ రెండు నెలలుగా సాగుతుందని తెలుస్తోంది. రెండు నెలల కిందట కొన్ని వ్యభిచార గృహాలపై పోలీసులు దాడులు చేశారు. నిందితుల దగ్గర నుంచి సమాచారం సేకరించారు. అలా తెలుగు రాష్ట్రాలతోపాటుగా వేర్వేరు రాష్ట్రాల్లోనూ ఈ ముఠా నడుపుతున్న వారిని గుర్తించారు. వ్యభిచారంతోపాటుగా విటులకు డ్రగ్స్(Drugs) సరఫరా చేస్తున్నట్టుగా తేలింది. హైదరాబాద్(Hyderabad) మాసబ్ ట్యాంక్ కు చెందిన అర్నవ్ ఈ గ్యాంగ్(Gang)కు నాయకుడిగా ఉంటూ.. దందా చేస్తున్నట్టుగా సీపీ స్టీఫెన్ రవీంద్ర తెలిపారు. వెబ్ సైట్లు, వాట్సాప్, కాల్ సెంటర్ల ద్వారా.. వ్యభిచారం నిర్వహిస్తున్నారన్నారు. ఏకంగా 14,190 మంది మహిళలు, యువతులు ఇందులో చిక్కుకున్నారని సీపీ చెప్పారు. మెుదటి నుంచి ప్రధాన నిందితుడు అనుమానం రావొద్దని.. తన ఫొటో బయటకు రానివ్వకుండా జాగ్రత్త పడినట్టుగా పోలీసులు తెలిపారు. మెుత్తం 17 మందిని పోలీసులు అరెస్టు చేశారు. 39 కేసులు నమోదు చేశారు. నిందితుల నుంచి 35 సెల్ ఫోన్లు స్వాధీనం చేసుకున్నారు. మహిళలు ఇలాంటి ముఠాలతో అప్రమత్తంగా ఉండాలని సీపీ హెచ్చరించారు. అనుమానం వస్తే.. డయల్ 100, 9490617444కు ఫిర్యాదు(Complaint) చేయాలని చెప్పారు.