- రాష్ట్రంలో రహదారులు అధ్వానంగా ఉన్నాయి…
- ప్రజా ప్రతినిధులుకు సొంత పనులపై ఉన్న యావ సమస్యలపై ఉండటం లేదు..
- కనీసం ప్రధాన రహదారులు అయినా మరమ్మతులకు నోచుకోవడం లేదు..
బొబ్బర్లంక – ధవళేశ్వరం బ్యారేజిపై రోడ్డు ఆధునీరణకై రాష్ట్ర టిడిపి ఉపాధ్యక్షుడు, మాజీ ఎమ్మెల్యే : బండారు సత్యానందరావు నిరశన
కొత్తపేట నియోజకవర్గం బొబ్బర్లంక – ధవళేశ్వరం బ్యారేజిపై రోడ్డు నిర్మించాలని స్థానిక మాజీ ఎమ్మెల్యే బండారు సత్యానందరావు తమ పార్టీ నాయకులు,కార్యకర్తలతో కలసి ఆదివారం నిరసన తెలిపారు.బ్యారేజిపై రోడ్డు పూర్తిగా ధ్వంసం అయ్యిందని, రోడ్డు నిర్మించడంలో ప్రభుత్వం నిర్లక్ష్యం వహించడంతో ప్రయాణికులకు తీవ్ర ఇబ్బందులకు గురవుతున్నారని ఆయన వాపోయారు.
బ్యారేజ్ పై ప్రయాణించే వాహనదారులు డ్రైవర్లు నిత్యం నరకయాతన అనుభవిస్తున్నారని ఈ సందర్భంగా ఈ రోడ్డుపై ప్రయాణించే వాహనదారులకు,బస్సు డ్రైవర్ లకు శాలువా కప్పి సత్యానందరావు సన్మానం చేశారు. ప్రయాణికులు పడుతున్న ఇక్కట్లను చూసి తక్షణమే రోడ్డు నిర్మాణం చేయాలని లేదంటే పోరాటానికి సిద్దం అవుతామని సత్యానందరావు హెచ్చరించారు. ఈ కార్యక్రమంలో తెలుగుదేశం పార్టీ నాయకులు కార్యకర్తలు తదితరులు పాల్గొన్నారు.
