గ్రీన్ఇండియా ఛాలెంజ్‌లో పాల్గొన్న పీపుల్స్ స్టార్ ఆర్.నారాయణమూర్తి..

ఈ సందర్భంగా ఆర్.నారాయణమూర్తి మాట్లాడుతూ సీఎం కేసీఆర్ (KCR) కల్వకుంట్ల చంద్రశేఖర్ రావు.. హరితహారం స్పూర్తితో ఎంపీ సంతోష్ కుమార్ గ్రీన్ ఇండియా చాలెంజ్ చేపట్టి ఒక ఉద్యమంలా ముందుకు తీసుకువెళ్తున్నారన్నారు.దేశవ్యాప్తంగా ఎందరినో ఈ కార్యక్రమంలో భాగస్వామ్యం చేస్తూ పర్యవరణ పరిరక్షణకు తోడ్పడుతున్నారని అన్నారు.సకాలంలో వర్షాలు కురవాలన్న,వాతావరణంలో మార్పులను అరికట్టాలన్న మొక్కలు నాటడం ద్వారానే సాధ్యమని ప్రతి ఒక్కరు ఈ కార్యక్రమంలో భాగస్వామ్యం కావాలని కోరారు. సీఎం కేసీఆర్ నాయకత్వంలో తెలంగాణ సస్యశ్యామలంగా మారిందని అన్నారు.ఉమ్మడి రాష్ట్రంలో తెలంగాణ నుండి వలసలు పోయేవారని కానీ నేడు తెలంగాణకు వలసలు పెరిగాయని అన్నారు.ఇంత మంచి కార్యక్రమంలో పాల్గొని మొక్కలు నాటినందుకు సంతోషంగా ఉందని ఎంపీ సంతోష్ కుమార్ కి ధన్యవాదాలు తెలిపారు.ఆర్ నారాయణ మూర్తి విషయానికొస్తే.. ఈ రోజుల్లో సినిమా ఇండస్ట్రీకి ఎందుకొచ్చారు అని ఎవర్ని అడిగినా కూడా నేమ్, ఫేమ్, మనీ కోసమే అంటారు. ఈ మూడింటి కోసమే ఇండస్ట్రీలో ఏం చేసినా కూడా. కానీ వీటన్నింటికీ అతీతంగా కేవలం సమాజం కోసమే సినిమాలు చేసే వాళ్లు చాలా అరుదుగా ఉంటారు. అలాంటి నటుల్లో ఆర్. నారాయణ మూర్తి ఒకరు. అన్నార్తుల ఆకలి బాధలు, ఆర్తనాదలే ఆయనకు కథాంశాలు.. పీడిత వర్గాల ప్రజలే ఆయన పాత్రలు.. సినిమా అంటే కేవలం కళాత్మకం కాదు.. ఆలోచనత్మకం అని నిరూపించిన ఏకైక మానవీయ వ్యక్తి ఆర్. నారాయణమూర్తి.