యాడికి లో పర్యటించిన జెసి దివాకర్ రెడ్డి, జెసి అస్మిత్ రెడ్డి

అనంతపురము జిల్లా యాడికి న్యూస్.9 యాడికి మండల కేంద్రంలో మాజీ ఎంపీ జేసీ దివాకర్ రెడ్డి, తాడపత్రి తెలుగుదేశం పార్టీ ఇన్చార్జి అస్మిత్ రెడ్డి శుక్రవారం యాడికి మండల కేంద్రంలో విస్తృతంగా పర్యటించారు. జెసి దివాకర్ రెడ్డి యాడికి లో నూతనంగా ఏర్పాటు చేసిన టిడిపి కార్యాలయాన్ని సందర్శించి ముఖ్య నాయకులతో ప్రస్తుత రాజకీయాలపై చర్చించారు, అనంతరం స్థానిక ఆర్యవైశ్య పెద్దలతో కలిసి శ్రీ వాసవి కన్యకా పరమేశ్వరి ఆలయంలో ప్రత్యేక పూజలు నిర్వహించి వారితో సమావేశాన్ని నిర్వహించారు. స్థానిక మసీదులో ముస్లిం మత పెద్దలతో కలిసి నమాజు కార్యక్రమంలో పాల్గొని ముస్లిం సోదరులతో మాట్లాడారు. జేసీ అస్మిత్ రెడ్డి వేములపాడు కొట్టాలపల్లి నిట్టూరు ఎన్ కొత్తపల్లి పెండేకల్లు గ్రామ నాయకులతో మాట్లాడి రాబోయే ఎన్నికలకు సిద్ధంగా ఉండాలని అందరూ కలిసి పార్టీ కోసం పని చేయాలని తెలియజేశారు. ఈ కార్యక్రమంలో మండల కన్వీనర్ గొర్తి రుద్రమ నాయుడు, క్లాస్ వన్ కాంట్రాక్టర్ చవ్వా గోపాల్ రెడ్డి, తదితర టిడిపి నాయకులు, కార్యకర్తలు పాల్గొన్నారు