NTR అభిమాని శ్యాం మణికంఠ మృతి పై అనుమానాలు నివృత్తి చేయాలి… తెలుగుదేశం పార్టీ నాయకులు డిమాండ్….

జూనియర్ ఎన్టీఆర్ అభిమాని మేడిశెట్టి శ్యాం మణికంఠ అనుమానాస్పద మరణం పై వారి తల్లిదండ్రుల అనుమానాలు నివృత్తి చేయాలని, సమగ్ర విచారణ జరిపించాలని డాక్టర్ అంబేద్కర్ కోనసీమ జిల్లా టిడిపి నాయకులు బండారు సత్యానందరావు, రెడ్డి సుబ్రహ్మణ్యం, దాట్ల బుచ్చిబాబు, గంటి హరీష్ మాధుర్, మోక ఆనంద సాగర్ డిమాండ్ చేశారు … కొత్తపేట మండలం మోడేకుర్రు శివారు కడలివారిపాలెంలో అనుమానాస్పదస్థితిలో మృతి చెందిన శ్యామ్ మణికంఠ మృతి పై మణికంఠ తల్లిదండ్రులతో కలిసి టిడిపి నేతలు కొత్తపేట పోలీస్ స్టేషన్లో సీఐ ని కలిసి మాట్లాడారు.. అనంతరం రాష్ట్ర టిడిపి ఉపాధ్యక్షుడు బండారు సత్యానందరావు మాట్లాడుతూ శ్యామ్ మణికంఠ చెబుతున్న సెల్ఫీ వీడియో, శరీరంపై గాయాలు ఒకదానికొకటి పొంతన లేకుండా ఉన్నాయని, వారి తల్లిదండ్రుల ఆవేదనను పరిశీలనలో తీసుకుని సంఘటనపై సమగ్ర విచారణ జరపాలని కోరారు… తెలుగుదేశం పార్టీ జాతీయ అధ్యక్షుడు నారా చంద్రబాబు నాయుడు గారు, తెలుగుదేశం పార్టీ మృతుని కుటుంబానికి అండగా ఉంటుందని అన్నారు…