యాడికి:సమాజ దిశా నిర్దేశకుడు ఉపాధ్యాయుడని స్టార్ ప్యారడైజ్ హైస్కూల్ మేనేజ్ మెంట్ నాగరాజు తెలిపారు. జాతీయ ఉపాధ్యాయ దినోత్సవాన్ని పురస్కరించుకుని మంగళవారం యాడికిలోని స్టార్ ప్యారడైజ్ హైస్కూల్ లో సర్వేపల్లి రాధాక్రిష్ణ చిత్రపటానికి పూలమాల వేసి ఘనంగా నివాళులు అర్పించారు. ఈ సందర్భంగా ఆయన మాట్లాడుతూ సమాజ దిశా నిర్దేశకుడు ఉపాధ్యాయుడని తెలిపారు. నేటి బాలలను దేశ పౌరులుగా తీర్చిదిద్దుతున్న గురుతర బాధ్యత ఉపాధ్యాయునిదేనని ఆయన తెలిపారు.ఉపాధ్యాయ వృత్తిలో ఉన్నతంగా రాణించి దేశ రాష్ట్రపతి గా ఎదిగిన సర్వేపల్లి రాధాకృష్ణ జీవితం అందరికి ఆదర్శ ప్రాయమని తెలిపారు. ఆయన బాటలోనే ప్రతి విద్యార్థి చదువులో రాణించి, తల్లిదండ్రుల ఆశయాలకు అనుగుణంగా ఉన్నత శిఖరాలను అధిరోహించాలని తెలిపారు. కార్యక్రమంలో స్టార్ ప్యారడైజ్ మేనేజ్ మెంట్ నాగేంద్ర, శ్రీరంగ, ఇలాహి,ఉపాధ్యాయులు కృష్ణారెడ్ది, సుందర్, తహరున్, కృష్ణవేణి, మహేశ్వరీ, రాజేశ్వరీ, అరుణ తదితరులు, పలువురు విద్యార్థులు పాల్గొన్నారు.
సమాజ దిశా నిర్దేశకుడు ఉపాధ్యాయుడు
